Halli hallo

Ich hoffe es gat eu allne guet?

Mir sind guet in Mombas a cho, die 15 Stund Zugfahrt sind na laessig gsi, han wuerklich na guet gschlafe, am Morge am 9ni simmer den in Mombasa a cho. Vo det hemmer eus es Tuktuk gno zu de Faehre, den Mombasa isch e Halbinsle, den vo det witer mit em Matatu (sammel Taxi) richtig Diani Beach. Diani isch es  chlises herzigs doerfli, mit eme wunder schoene Strand, me seit es segi de schoenschti Strand vo de ganz Kueschte und ich han wuerklich na nie soo en schoene Strand gse, wisse Sand, hellblaus wasser und ganz en hufe Palme. Geschter simmer bi Vollmond am Strand go spaziere, ich saege eu das isch en Traum!!!

Geschter abig hetet mir eigentlich wider soelle mit em Zug richtig Nairobi fahre, doch mir hend entschide das mer na es paar Tag laenger wend a de Kueschte verbringe, jetzt fahred mer am Dunschtig zrug!

Mombasa isch e wunder schoeni Stadt, aber sehr hektisch, lut und sehr heiss. Algemein isch es bis jetzt da a de Kueschte am heissischte, es isch na nie so heiss gsi wie jetzt, me hend oepe 40 Grad und es het e sehr hoechi luftfuechtigkeit, das heisst mir sind ununterbroche am schwitze. mir verbringet die meischti Ziit im Schatte und im Meer.

ich bin scho wider am verlaufe, es isch jetzt ziit fuer en sprung is Meer!!!

bis bald Nadja

Jambo

sory das ich erscht jetzt wider schriebe, internet isch da in Kenya und Uganda nid gang und gaeb! mir sind guet in Nairobi acho und mer glaubts fascht nid mir hend suuuuuneeeeeee und meeeeeegaaaaaa heiss, 3 taeg hemmer in Nairobi verbracht und den hemmer eus uf de waeg is inland und richtig Uganda gmacht de erschti stop isch Massai Mara gsi, det simmer das beruemte Massai Volk go bsueche, sie hend eus ihres doerfli und dschuel zeiget, isch e mega schoeni erfahrig gsi fuer mich.
Den simmer uf Uganda, id Hauptstadt Kampala fuer paar Taeg, vo det uf Kisoro an beruemte Viktoria See fuer namel es paar Taeg, ( und mer chans also fascht nid glaube aber ich hans tatsaechlich gschaft min gliche  Fues namal zverstuche, bin also wider mal am ume humple ) vo det simmer den an Lake Bunyoni fuer e Nacht und den wider richtig Kenya, am Lake Lavascha verbi richtig Nairobi.

Ich bin also richtig begeischteret vo Kenya und Uganda es sind wunder schoeni Laender, komplet anderscht wie die andere laender wo mer bis jetzt gsee hend, das isch Afrika pur, alles chaotisch, spontan und ueberhaupt nid Puenktlich da isch Ziit irgend wie stah blibe, jede Tag isch es abendtuer!! Alles laebt und passiert uf de strasse, Tier, Autos, Velos (Autos und Velos werdet hauptsaechlich als transportmittel fuer Wasser und Laebesmittel brucht) und Mensche, ich weis amig gar nueme wo ni soell luege, es isch so interressant und spanend, und dluet sind sehr offe und hilfsbereit. Wenn ich den verzelle das ich us de schwiiz bin und als Malerin schaffe den choemed zerscht mal ganz komischi blick und den werdez immer neugiriger, den maler isch absolut en Maenner bruef und sie choend sich nid vorstelle das, dass au e Frau chan, wirde maengisch au chli belaechlet und nid ganz ernscht go…;-)
Im momaent simmer wider in Nairobi fuer 3 Taeg, den goemmer mit em Zug vo Nariobi uf Mombasa (na eimal meeres luft schnuppere), am Mitwuch abig am 7ni fahred mer los ( 14 stund) bis uf Mombasa det werdet mer ca 5 Taeg blibe und den goemmer wider zrug uf Nairobi mit em Zug!

Tja und den gatz na es paar Taeg und den Flueget mer hei, wenn ales klappet chum ich am Maentig 16.2.09 am  9:55 uhr in Zuerich a!

Ich freue mich riessig eu alli wider zgsee!!!!!

bis bald nadja

 Halli hallo

Da bin i wider, ich hoffe ihr sind alli guet is neue Jahr grutscht!! Mir hend eusi neujahr Party in Coffee Bay gha, inere chline Bucht mit ca. 800 Luet isch absolut de hammer gsi.

Vo Coffee Bay simmer den uf Umtentweni fuer 2 Naecht, vo det mit em Bus uf Durben fuer 1 Nacht den vo det simmer uf Eshowe fuer es paar Taeg, den uf St. Lucia, vo det direkt is Swaziland und schlussendlich uf Johannisburg wo mer jetzt scho es paar Taeg sind. Johannisburg isch die groescht Stadt vo South Africa und wuerklich riesig, Stadt saelber isch wuerklich sehr interessant, es isch nid so turistisch wie Cape Town oder Durben, da erlaebt me Afrika, es traeffed en hufe kulture ufenand und me gseht die verschiedenschte Mensche.

Und ihr glaubets ja nid aber s waetter het sich  nid wuerklich verbessert, es raegnet immer na sehr vill und min Schlafsack und min Rucksack sind also immer na in hoechschte Laebes gfahr:-)!! und ich wird am lebendige leib uf gfraesse, wens so regnerisch isch, den wimmelts nur so vo Moskitos und ich weis nid wiso die hend mich zum fraesse gaern:-). Ich muss also scho sege das Waetter het au oepis guetz, den es het es paar Taeg ge wo wuerklich sehr, sehr schoen gsi sind aber so meeeeeeeeeeega heiss, das mer sich fascht nid het choene bewege!

Morne Morge am 7:00 Uhr gatz zum Flughafe und am 10ni flueget mer richtig Kenia (Nairobi) fuer die letschte 4 Wuche:-( nei, nei ich freue mi also wuerklich eu alli wider z gsee! (ich han ghoert das es s.. chalt isch i de Schwiiz und uf das chalte Waetter freu i mi nid wuerklich)

Min naechschte Itrag wird us Nairobi sie!

Bis bald und leget eu warm aaaaaaaa:-)

Liebe gruess nadja

Saleti

mitler wile simmer in Cintsa a cho, Cintsa isch e wunder schoens chlises Doerfli mite inere  schoene Bucht miteme traumhaft schoene strand, da hemmer au eusi wienachte verbracht mit ere feine schwiizer Aelplermakarone

Me glaubts fascht nid aber es regnet und stuermt richtig, die nacht hani zwei mal muese mis Zelt vo de Ueberschwaemig rette, fuer min Rucksack und min Schlafsack sind leider ali retigs versuech zspat cho !! Naja es chund sicher wider schoens Wetter (ich hoffe bald)

Am Suntig e morge gatz den witer uf Coffee Bay wo mer den is neue Jahr werdet starte!

Uf dem Waeg mocht ich eu allne na en guete rutsch is neue Jahr wuensche und hebed eu sorg!

Bis bald dicke Knuddel

Nadja

Halli hallo

Ich hoffe eu gatz allne guet? Am Maentig namitag 14:00 Uhr simmer vo eusem 12 tages Trip Kapstadt/ Windhoek zrug cho, ich weiss gar nid so genau wo ni soel afange, mer hand sooooo vill erlebt und gsee! Mer sind e trupe vo 26 Luet gsi ali grund verschide, vo 18 bis 50 alli altersklasse, greist simmer mit eme grosse Trak wo mer hend choene vo Ort  choche, gschlafe hemmer i  zweier Zelt.

Am erste Tag simmer zu de Cederberg Mountain Region, das isch e 100 km langi gigantischi Sandstei masse, vo det simmer den na am gliche Tag go Wandere, dass isch eifach traumhaft gsi. Am naechschte Tag simmer zum beruemte Orange River, vo det simmer am 3. Tag zum Fish River Canyon, er isch 27 km lang, 550 m tuef, 2600 millione Jahr alt und absolut fantastisch, (de Fish River Canyon isch de eltischt Canyon uf de Waelt) mer hend e ussicht ga ueber de ganz Canyon und ich han no nie so en schoene sunne untergang gsee wie det! Am 4. Tag simmer zum Sesriem Canyon er isch vill chliner als der Fish River Canyon, aber au sehr schoen und idrueklich. Am naegschte Tag isches sehr sehr heiss worde, da simmer nemlich richtig Wueschti, is Sossusvlei gebiet det existieret die groeschte Duene vo de Waelt.

Am Tag 6 simmer am 5i am Morge los marschiert und uf so ne Duene ufe gloffe (Duene 45), es isch nid eini vo de groeschte gsi aber trotztem ziehmlich astraengend, aber es het sich absolut glohnt, den mer sind belohnt worde mit eme wunder schoene Sunne ufgang! Nachem Zmorge hets geise Wasserflaesche packe und ab id Wueschti, es isch ja so heiss gsi, das chamer sich gar nid vorschtele, ca 5 stund simmer i dem Sossusvlei gebiet go Wandere mit eme experte, er het eus glernt wie mer i de Wueschti lernt zueberlaebe u.s.w. Am abig simmer den witer gfahre richtig Swakopmund und normalerwis isch i dem Trak immer eis gaudi gsi, aber dasmal hand alli aber wuerklich alli gschlafe abgseh vom Fahrer natuerlich:-). Am naechschte Tag simmer wider id Wueschti, aber dasmal mit de Quadbik, das isch absolut super gsi, e chli go ume duese.

Ein Tag spoeter simmer den witer richtig Spitzkoppe und ab det hets Wort Woertlich nur na P……! Aber abgse vom Rege isch es e wunder schoeni gegend mit wunder schoene Berge, Spitzkoppe isch de Groeschti Berg in Namibia.(me seit es isch Matterhorn vo Namibia) En Tag spoeter simmer zu de Himbas, das isch e sehr spanendi erfahrig gsi, das Volk doerfe besser kene zlerne! Die naegschte zwei Taeg simmer im Etosha National Park gsi und mer glaubts fascht nid, ich han endlich na Leu gse

So und scho hemmer Tag 12 und mer sind in Windhoek acho, mit ganz en hufe schoene idrueck, neue erfahrige und kei trochni Schue und Chleider me

Im ganze hemmer 3150 Km gmacht i dene 12 Taeg in Namibi, mer haend so vill gse und erlabt, es isch eifach super gsi!!! (Das isch jetzt natuerlich en schnell durchlauf gsi, alli details gitz den spoeter dihei!)

Jetzt im Moment simmer wider bi de Gaschtfamilie, me doerfed fuer die naegschte zwei Taeg nammal bi ine wohne, bis mer eus wider uf de Waeg richtig Johannisburg mached. Am Do. gatz den los, mer reised wider mit em Baz Bus Garden Route ufwaertz bis uf Wilderness vo det gatz den witer uf Port Elizabeth, Chintsa, Coffee Bay u.s.w und am 15 Januar gatz den uf Kenia.

Ich wuensch eu allne e gueti Ziit und bis bald ich meld mi gli wider!

grues us Afrika

nadja

hallo mini liebe

ich hoffe eu gatz allne guet! mir und de sara gatz super, am fritig hemmer euse letscht schueltag gha, jetzt gnuessed mer wider eusi freiziet und das wunder schoene waetter und natuerlich freued mir eus wider ufs reise. Morn a morge mached mir eus uf de waeg uf namibia fuer 12 teg, vo Kapstadt uf windhoek.

Das mus leider fuer de moment lange a news, den ich sitze grad imene internet kafi und mini ziit lauft mer de vo, bin glaub e chli langsam, weni vo namibia zrug bin gitz wider ganz en hufe news versproche

Sory aber us irgend eme grund gat mis E-Mail nuemme, sind mer nid boes wenni i mi also scho lang nueme gmeldet han

bis bald und hebed eu sorg

ganz en liebe gruss nadja

halli hallo

ich hoffe eu gatz allne guet! Eus gatz sehr guet, mir werdet richtig verwoent vo eusere Gastfamilie. D schuel isch ok, isch halt schuel han scho vill neui luet kenne glaern vo verschidene laender isch sehr intressant! Oh und s waetter wird immer besser, mer choend saege es isch scho fascht e chli heiss

han da na es paar neui bilder vo Afrika.

Halli hallo

dabini wider, mit vill neue gschichtli vo Jeffriys Bay simmer nachene witer nach Plattenberg Bey, Wilderness und den uf Mossel Bay wo ich min erschte Wal i freier natur vo noechem gsee han, isch es mega schoens erlebniss gsi, denn witer uf Hermanus und vo det uf Cape Town.

Garden Rout vo Durben bis jetzt uf Cape Town isch wuerklich sehr, sehr schoen gsi, maengisch wie im Paradies. Die erschte zwei naecht hemmer i de Long Street verbracht, das isch die beruemtischti Party Meile vo Cape Town, also a schlafe hesch nid doerfe denke, isch fascht scho unmoeglich gsi. den am Fritig simmer mit em Taxi ca 20 min richtig Sea Point gfahre zu eusere Gaschtfamilie ( da mir am Maentig de erschti schuel tag hend) Gaschtfamilie bestat us em Roy (Vater) Kathrin (Muetter) und em Jamie und es halbs dutzend Huend und Katze, han kei ahnig wie vill Tier sie hand, han bis jetzt jede Tag es neus Fich entdeckt.

Huet simmer uf de beruemt beruechtigt Tafel Berg, aber mir sind nid wie die meischte mit em Baendli ufe nei mir sind natuerlich gloffe, oepe 1:30 hemmer gha, isch en riese chrampf gsi und den endlich dobe a cho, hemmer nid mal ueber Kapstatd gsee wils soooooooo vill Nebel und dicki Wolke gha het, het sich nid mal richtig glohnt, naechscht mal, dass mal bi schoenem Waetter goemmer allso mit em Baendli wies sich fuer Touriste ghoert den min Fuess het das natuerlich au nid so de hammer gfunde, lige jetzt wider mit eme Eisbuetel und ere dicke Voltarenschicht ume!!! Naja jetzt hani ja ziit zum mich erhole (schuelziit)

wuensch eu allne na e wunder schoeni ziit und bis bald

ganz liebe gruess us Afrika Nadja